Baracktrema obamai est species vermium planorum familiae Schistosomatidarum, in testudinibus aquae dulcis in Malaesia endemica. Quae nuper reperta descriptionem Baracktrematis poposcit, novi generis, ex Baraco Obama, quadragesimo quarto praeside Civitatum Foederatarum, appellati.
Species renuntiata est anno 2015 a manu parasitologorum Americanorum, Thoma R. Platt duce.[1] Duas species testudinum inficere videtur: Siebenrockiella crassicollis et Cuora amboinensis, quorum ambo in Malaesia reperiuntur.